15 URTE
Txikitatik denok imajinatzen genuen nolakoa izango zen gure etorkizuna, nolakoa izango zen gure burua eta nortzuk izango ziren gure lagunak. Uste dut ia guztiok eskolako lagun berdinak mantenduko genituela pentsatzen genuen, baina orain askok ikusi dugu lagunak mantentzea ez dela hain erraza pentsatzen genuen bezala. Hare gehiago, hainbat desagertuko direla urteetan zehar gure bizitzatik.
Egia esateko, lagunen artean gatazkak izatea normala da, baina inportanteena bukaeran irtenbide bat aurkitzea da. Arazoa da gizaki guztiak desberdinak garela. Zoritzarrez, amore ematea edo barkamena eskatzea ez da erraza denontzat, eta horrek arazo handiak eragin dezake harremanetan.
Horren ondorioz, gurekin geratu diren pertsonak altxor bat izango balira bezala zaintzea oso garrantzitsua da, seguruenik benetako lagunak direlako. Haiek onetan eta txarretan egon dira beti, eta horrelako beste lagunak aurkitzea nahiko zaila izango litzateke. Horregatik, oraindik ez badira joan, ez dira inoiz joango pentsatzen eta espero dut.
Bukatzeko, adiskidetasunei dagokienez, garrantzitsua ez da kantitatea, baizik eta kalitatea iruditzen zait. Benetako lagunak beti egoten dira gurekin, pasa dezakeena inportatu gabe. Horrez gain, adiskidetasun berriak egitera beti irekita egon behar gara, badaezpada bat-batean gatazka batengatik lagunak galdu ahal dugulako...